「根據愛因斯坦咁講啦…時間呢，喺可以加速可以減慢嘅，
但係永遠無得返轉頭。」- 林奕匡 PHIL LAM
All from Ermenegildo Zegna
時間可以是度日如年，時間可以是瞬間流逝；
對於時間的科學理論，從古至今無人能總結，
但只要你願意，你現在就能把握住現在的自己。
對物理學家來說，過去、現在和未來只是一種揮之不去的錯覺。對Phil而言，時間不能回頭，不能逆轉，我們擁有的只有現在，不如改變心態放下執念，好好擁抱現在。時間的確讓我們見證了他的高山低谷，出道十年多的他慢慢走紅，由寂寂無名的加拿大𡃁仔，成為現在為人熟悉的「林奕匡」，家庭事業兩得意的他是大家眼中的模範生，在時間中漂泊的他，又會怎樣詮釋時間的哲學？
人生倘若能選擇，你會選擇一炮而紅還是慢慢走紅？
慢慢走紅，一定喺。證明你同樣地喺，不斷去學習，不斷進步，不斷去適應呀，咁一定會持久好多囉。但遠遠不及喺人哋俾機會俾你嘅時候，大好機會但你都未準備好，俾咗你之後，就喺見到原來喺咁嘅成果，咁我以後都唔會俾你啦，已經喺判咗死刑。
努力磨練也許是一年，也許是五年，也許是十年，但時間的主觀感受，絕對不是成功的客觀指標。對他而言，唯有選擇不斷努力才值得被人欣賞；寧可靜待一個SHOW TIME的機會，亦不願讓有所期待的人失望。
All from Ermenegildo Zegna
如果可以穿梭時光，你希望可以回味過去？
假使俾我可以返轉頭呢，我一樣嘢都唔想改⋯I just wanna live it all over again。有啲咩錯事嘅，再嚟過囉，有啲咩開心嘅嘢，整個過程，都想再去經歷多一次。其實啲朋友都會話，你計數咁叻，寫一隻歌點可以紅呢，你無理由唔識計呢啲嘢㗎。如果識計呀，個個都可以啦，無得計呢啲嘢㗎，我喺讀科學㗎嘛，數學㗎嘛，我喺好叻呢樣嘢㗎嘛，做好多嘢都喺有根有據，但喺嚟香港做音樂喺無計劃過。
如果時光機的存在能讓我們回到過去，不管是人生中最好與最壞，Phil都選擇將所有經歷重新體會一次。每當友人問起理科出身的他如何演算出一首歌的成功方程式，偏偏發展音樂事業從不在他的計算之內；就如他在PHILosophy企劃中的蛻變，每一次突破的嘗試也是Trial and Error，未知數是一種成長過程。
All from LOEWE
如果平行時空能幫你完成一個實現的夢想/目標，你希望會是甚麼？
有好多答案㗎喎，一個答案可能喺有一日可以…至尊金曲呀、男歌手金獎呀、紅館演唱會呀，咁亦都可能喺有個超級超級大屋，咁即喺之前嗰啲一定都唔差啦；歸根究底喺做到自己想做嘅嘢，同埋照顧到屋企人啦，而同樣地如果我嘅工作，喺嚟得又有意義嘅，以音樂連繫我啲粉絲，而帶出嚟嘅訊息，我做嘅嘢喺啱嘅，其實都好重要嘅，咁當然希望三者都有啦。
Jacket, Pants and Hat from LOEWE / Top and Boots from Ermenegildo Zegna
時間是你的…？
時間亦都喺一樣相對嘅嘢，當你去做緊啲好開心嘅嘢，時間過得好快；當你喺好辛苦嘅時候，時間亦都過得好慢。時間亦都喺你嗰朋友啦，你做每一樣嘢都喺需要時間嘅，所以你同佢嘅和洽，喺好重要囉，唔好令到佢好似綁實你，你做每一件事，同佢一齊做，咁就可以㗎啦。
林奕匡 PHIL LAM・時間漂流記
Featuring - 林奕匡 PHIL LAM
Fashion director & stylist - SYAN LEUNG
Photographer - BUFFACOW
Makeup - ESTHER @ GABBIEMAKEUP
Hair - WILSON WONG @ RULER
Videographer - KMH
Producer - BONNIE LO
Text - MAORA CHENG